"UNE SOLIDARIOA"-ren jaurdunaldi berri hau arrakasta haundikoa izan zen, bai partaidetzagatik, bai kalitateagatik. Oraingo honetan asteartean egin beharrean, larunbaten egin zen "SAHARA NO SE VENDE" filmaren zuzendariekin egoteko aukera izateko. Filma ikusteko eta elkarrizketan parte hartzeko aukera izan genuen. Luisek eta Joaquinek filmaren zehaztasun batzuk azaldu zituzten eta Sahara-ko bi emakumek egindako tea dastatzeko aukera izan genuen. Aretoa Sahara-ko erakusketa fotografiko batekin apainduta zegoen, Garikoitzek utzitakoa. Filma Saharako gazte batzuei egindako fotografia ikastaro baten esperientzian datza. Ikastaro hau 2007-an
Dajlan egindako zinemaldi jaialdiaren ekitaldien barruan zegoen. Filmean aktore, zine-zuzendari, politikari, Saharako jendea eta pertsona anonimoen ikuspuntuak entzun daitezke. Aldi berean Mendebaldeko Saharako historiaren azalpenekin, okupazioarekin, kanpamentuekin, eta askoei berria egin zitzaiguna, lurralde okupatuetan bizi den jendearen egoerarekin tartekatuta. Gero elkarrizketa etorri zen, interesgarria eta hezgarria... Esaldi hauekin laburdu daiteke:

"Honelako gauzak beharrezkoak dira, irtenbidea informazioa hedatzean datza".

"VACACIONES EN PAZ" programa ona da, umeak gure herriaren eta gure zergatiaren enbaxadore hoberenak dira".

"Borroka noiz hasiko den jakin nahi dut han egoteko". (Saharako 20 urteko gazte bat.

Indarkeriaren erabilerak ez du arazoaren irtenbidea bermatzen, munduan zehar adibide asko daukagu".

"Frente Polisario"-aren eginbehar bat biztanleria lasaitzean datza, gatazkaren irtebidea lortzen bide diplomatiko baten bidez".

Saharako herria etsituta dago eta ezin du gehiago. Erreferenduma ez da iristen, eta jendeak, gero eta gehiago, indarkeriaren bidez lortutako irtenbide batean pentsatzen du.

Berehara filma eskuragarri egongo da web gune honetan: www.saharanosevende.com